१४. जय जय भवानी, मनरमणी

जय जय भवानी,  मनरमणी,  मातापुरवासिनी  |

चवदा भुवनांची स्वामिनी,  महिषासुरमर्दिनी  |

जय जय भवानी  ॥ धृ ॥

नेसूनि पाटाऊ,  पिवळा हार शोभती गळा  |

हाती घेऊनिया त्रिशूळा भाळी कुंकुम टिळा  ॥

जय जय भवानी  ॥ १ ॥

अंगी लेवूनिया काचोळी,  वर मोत्याची जाळी  |

हृदयी शोभतसे,  पदकमळी कंठी हे गरसोळी  ॥

जय जय भवानी  ॥ २ ॥

पायी घागरिया,  घूळघूळ नाकी मुक्ताफळ  |

माथा केश हे कुरळ,  नयनीही काजळ  ॥

जय जय भवानी  ॥ ३  ॥

सिंहावरी तू बैसून मारिसी दानवगण  |

तुजला विनविती,  निशिदिन गोसाविनंदन  ॥

जय जय भवानी  ॥ ४ ॥

Posted in: Aarati