03:45
samirsinh dattopadhye
युगे अठ्ठावीस विटेवरी उभा |
वामांगी रखुमाई दिसे दिव्य शोभा ॥
पुंडलिकाचे भेटि परब्रह्म आले गा ॥
चरणी वाहे भीमा उद्धारी जगा ॥ १ ॥
जय देव जय देव जय पांडुरंगा, हो हरि पांडुरंगा ॥
रखुमाईवल्लभा राईच्या वल्लभा पावे जिवलगा ॥ धृ ॥
तुळसीमाळा गळां कर ठेवुनि कटीं |
कांसे पीतांबर कस्तुरी लल्लाटी ॥
देव सुरवर नित्य येती भेटी ॥
गरुड हनुमंत पुढे उभे राहती ॥ २ ॥ जय...
धन्य वेणूनाद अनुक्षेत्रपाळा ॥
सुवर्णाची कमळे वनमाळा गळां ॥
राई रखुमाबाई राणीया सकळा ॥
ओवाळीती राजा विठोबा सावळा ॥ ३ ॥ जय...
ओवाळू आरत्या कुर्वंड्या येती |
चंद्रभागेमाजी सोडुनिया देती ॥
दिंड्या पताका वैष्णव नाचती ॥
पढंरीचा महिमा द्वारकेचा महिमा वर्णावा किती ॥ ४ ॥
जय...
आषाढी कार्तिकी भक्तजन येती, हो साधुजन येती ॥
चंद्रभागेमाजीं स्नानें जे करिती ॥
दर्शनहेळामात्रें तयां होय मुक्ती ॥
केशवासी नामदेव, माधवासी नामदेव
भावें ओंवाळिती ॥ ५ ॥ जय...
आषाढी कार्तिकी भक्तजन येती, हो साधुजन येती ॥
चंद्रभागेमाजीं स्नानें जे करिती ॥
दर्शनहेळामात्रें तयां होय मुक्ती ॥
केशवासी नामदेव, माधवासी नामदेव
भावें ओंवाळिती ॥ ५ ॥ जय...
Posted in: Aarati
0 comments:
Post a Comment